කුරුණෑගල සාන්ත ආනා ආසන දෙව් මැදුරේ සිදු කළ ක්‍රිස්තු රාජ මංගොලෝත්සවයේ දී සිදු කළ දේශනාව....

සාමාන්‍ය සමයේ තිස්තුන්වන සතිය අවසන් කරමින් 2018 නොවැම්බර් 25 වන ඉරිදා ක්‍රිස්තු රාජ මංගල්‍යය ලොව පුරා සිදු කෙරුණි. එදින කුරුණෑගල සාන්ත ආනා ආසන දෙව් මැදුරේ දි සිදු කළ එම මංගල්‍යය පූජාවේ දි ගරු ක්‍රිස්ටි ලෙනාඩ් පියතුමා සිදු කළ දේශනාවට ඔබත් සහභාගි වන්න.

කුරුණෑගල සැල්වටෝරියානු ගිහි සංඝය කුරුණෑගල පිළිකා සායනයේ දයා සේවයේ යෙදෙති 2018 නොවැම්බර් 16

කුරුසියේ ප්‍රැන්සිස් ජෝර්ඩාන් පියතුමා විසින් ආරම්භ කළ සැල්වටෝරියානු පවුලේ කුරුණෑගල ගිහි සංඝය 2018 නොවැම්බර් 16 වන දින කුරුණෑගල රජයේ ශීක්ෂණ රෝහලේ පිළිකා සායනයට පැමිණ සිටිය රෝගීන් සහ ඔවුන් සමග පැමිණ සිටිය සියලුම අයට දියරම ආහාර සහ පෝෂ්‍ය ආහාර දානයක් වශයෙන්  පිළිගැන්වූහ. 

සාමාන්‍ය සමයේ තිස්තුන්වන ඉරිදා කුරුණෑගල සාන්ත ආනා ආසන දෙව් මැදුරේ දේශනාව

සාමාන්‍ය සමයේ තිස්තුන්වන ඉරිදා (2018 නොවැම්බර් 18) කුරුණෑගල සාන්ත ආනා ආසන දෙව් මැදුරේ දි, කුරුණෑගල මීසම්පති ගරු ක්‍රිස්ටි ලෙනාඩ් පියතුමා විසින් සිදු කළ හරබර දේශනාවට ඔබත් සහභාගි වන්න.

ජේෂ්ඨ පියවරු තුන් නමකගේ පූජාත්වර සංවත්සර කුරුණෑගල රදගුරු නිවසේ සමරති...2018

කුරුණෑගල පදවියේ ජේෂ්ඨ පියවරුන් තුන් නමකගේ පූජාත්වර සංවත්සර තුනක් කුරුණෑගල රදගුරු අති උතුම් හැරල්ඩ් ඇන්තනි පෙරේරා හිමිපාණන්ගේ ප්‍රධානත්වයෙන් සහ කුරුණෑගල පදවි පියවරුන් විශාල පිරිසකගේ සහභාගිත්වයෙන් කුරුණෑගල රදගුරු නිවසේ දී 2018 නොවම්බර් 05 වන දින සමරන ලදි.

එම සංවත්සරයන් පිළිවලින් මෙසේ ය. කුරුණෑගල පදවියේ ජේෂ්ඨතම මෙන්ම, පදවි ඉතිහාසඥවරයෙකුව විශාල සේවයක් ඉටුකර දැනට විශ්‍රාමිකව පසුවන ගරු ලීනස් කුරුකුලආරච්චි පියතුමාගේ 60 වන, හලාවත සහ කුරුණෑගල පදවිවල මීසම්වලට විශාල සේවයක් ඉටුකර විශ්‍රාමිකව පසුවන ගරු ක්වින්ටින් පෙරේරා පියතුමාගේ 50 වන සහ වර්තමාන තඹකන්ද මීසම් සේවක වශයෙන් සේවය කරමින් විශාල යාච්ඤා මෙහෙයන් මගින් අසරණ ජනතාවට මහඟු සේවයක් කරමින් සිටින ගරු ස්ටැන්ලි පීරිස් පියතුමාගේ 25 වන පූජාත්වර සංවත්සරයන් ය.

සැල්වටෝරියන් ගිහි සංඝයේ වාර්ෂික එකමුතුව 2018

2018 නොවැම්බර් 03 වන දා සීදුව සුපුවත්  අරණ දී සැල්වටෝරියන්  ගිහි සංඝයේ වාර්ෂික එකමුතුව සිදු කෙරුණි. එදින මහචාර්ය ඇන්ටන් මීමන මහතා විසින් සිදු කළ දේශනයට ඔබත් සවන් දෙන්න...

මළවුන් උදෙසා කුරුණෑගල මීසමේ නිවෙස් වල දිව්‍ය පූජාවන් පැවැත්වෙයි. 2018

කුරුණෑගල මීසමේ මළවුන්ගේ මාසය තුළ සෑම කිතුනු ඒකකයම නිවසක, මළවුන්ගේ ආත්ම උදෙසා දිව්‍ය පූජාවන් පැවැත්වීම කලක පටන් සිදු කරන ඉතා උසස් ක්‍රියාවකි, එම සිරිත අනුව 2018 නොවැම්බර් 08 වැනි දා කුරුණෑගල ඉලුප්පුගෙදර පාරේ, කානා කිතුනු ඒකකයේ ලක්ෂ්මන් ලිනගේ සොයුරාගේ නිවසේ දි, කුරුණෑගල මීසම් සේවක ගරු ක්‍රිස්ටි ලෙනාඩ් පියතුමා විසින් මෙවර දිව්‍ය පුජාව සිදු කරන ලදි....

මළවුන්ගේ මාසයේ කුරුණෑගල මීසමේ නිවෙස්වල දිව්‍ය පූජාවන් සිදු කෙරෙයි...2018

කුරුණෑගල මීසමේ සෑම වසරකම නොවැම්බර් මාසය පුරා නැසීගිය විශ්වාසිකයින් සිහිකර සෑම කිතුනු ඒකකයම නිවසක දිව්‍ය යාගයක් පැවත්වීම කලක පටන් සිදු කෙරෙයි. ඒ අනුව කුරුණෑගල මීගමු පාරේ සාන්ත ආනා කිතුනු ඒකකය වෙනුවෙන් ගිල්ඩර්ස් යොයුරාගේ නිවසේ සිදුකළ දිව්‍ය පූජාවට ඔබත් සහභාගි වන්න..