කුරුණෑගල ගෙපල්ලව ඇන්.ඇම්.අප්පුහාමි මාවතේ පිහිටා ඇති, ක්ලැරේෂියානු ආධුනික පුහුණු දෙව්සත්හලේ 2017 දෙසැම්බර් 17 වන දින, කුරුණෑගල පදවි අධිකරණ නාහිමි හා මිල්ලව ජුසේවාස් දෙව්සත්හලේ අධ්‍යක්ෂක අතිගරු නලින් ප්‍රනාන්දු පූජාප්‍රසාදීන් වහන්සේගේ ප්‍රධානත්වයෙන් ගෙපල්ලව ග්‍රාමවාසින් සමග සුහද නත්තල් හමුවක් පවත්වන ලදි.
ආධුනික පුහුණු නිවහනේ අධ්‍යක්ෂක ගරු රොයිස්ටන් පියතුමාගේ මෙහෙයවීම යටතේ ආධුනික පුහුණු නිවහනේ පුහුණුවන දේශිය හා විදේශිය සහෝදරතුමන්ලා විසින් සංවිධාන කර තිබුණි.
මෙම අවස්ථාවට සැල්ටෝරියන් නිකායේ ශ්‍රේෂ්ඨ මව්තුමිය වන ගරු රාණි ප්‍රනාන්දු පැවිදි සොයුරිය සමග පැවිදි සොයුරියන් විශාල පිරිසක් සහභාගි වූහ.
කිසිදු භේදයකින් තොරව සියළුම අගම්වල ජනතාව සහ ඔුවුන්ගේ දරු දැරියන් මෙම උත්සවයට සහභාගි වී විනෝද වී තෑගි බෝග ලබාගෙන නත්තල ගැඹුරු අර්ථයකින් යුතුව බෙදා ගත්හ.
